Paralel.az Lenta.ru-ya istinadən xəbər verir ki, Jens Stoltenberg ölkədən çıxarılmış rus diplomatlarını "elan edilməmiş kəşfiyyat agentləri" adlandırdı

NATO rus diplomatların ölkədən çıxarılmasının səbəbini diplomatik missiyaların "bəyan edilməmiş kəşfiyyat agentlərinə" aid olması bəyan etdi. Bunu alyansın baş katibi Yens Stoltenberq bildirib.

Baş katib səkkiz rus işçisinin akkreditasiyadan məhrum edilməsinin şərtlərini açıqladı və onların müəyyən bir hadisə ilə əlaqəli olmadığını qeyd etdi. Stoltenberg əlavə edib ki, Rusiyanın aktivliyinin artdığını bəyan edirik, ayıq olmalıyıq və hərəkət etməliyik, çünki Rusiya missiyasının işçilərinin statuslarına uyğun olmayan fəaliyyətlər gördüklərini hiss edirik.

Bundan əvvəl isə NATO Rusiya missiyasının bir neçə üzvünün Brüsseldən çıxarılacağını ittifaqa açıqladı. Missiyada 20 əvəzinə yalnız 10 diplomatın qalacağı qeyd olunur. Bu qərarın səbəbi Rusiyanın ittifaqa üzv ölkələrdəki "düşmənçilik fəaliyyəti"dir.

.Rusiya xarici işlər nazirinin müavini Aleksandr Qruşko bildirib ki, Moskva missiya nümayəndələrinin ölkədən çıxarılmasından sonra NATO liderlərinin Rusiya Federasiyası ilə dialoqa dair dediklərinə inanmır. O, alyans liderlərinin dünən Rusiya ilə münasibətlərdə deeskalasiyanın vacibliyindən danışdığını və dialoqun bərpasına çağırdığını qeyd etdi.
Akif Nəsirli