Paralel.az xəbər verir ki, qondarma rejimin Ermənistandakı daimi nümayəndəsi Sergey Kazaryan “Artsax” olmadan erməni dövlətçiliyinin firavan gələcəyinin mümkün olmadığını bildirib: “İstər Artsaxı ziyarət etməklə bağlı olsun, istərsə də ziyarət etmədən bu istiqamətdə işləmək üçün səy göstərərkən, bu vəziyyəti nəzərə almaq lazımdır. Gorus-Qafan yolunda Azərbaycan polisi və hərbçiləri ilə əlaqədar məlum problemlərə görə, iranlı sürücülər artıq Artsaxa yük daşımaları həyata keçirmirlər. Stepanakert Ermənistan ilə İran arasında aparılan danışıqların təfərrüatlarından xəbərsizdir. Lakin onlar Azərbaycanın müxtəlif istiqamətlərdə bu cür təxribatları davam etdirəcəyinə əmindirlər. Belə problemlərə həmişə hazır olmaq lazımdır”.

Nigar