Paralel.az xəbər verir ki, erməni mətbuatı “sapı özündən olan balta”larla bağlı müəllif yazısı yayımlayıb. Yazıdan müəyyən hissə: “Biz uzun müddət fəlakətə səbəb olan böyük bir səhvin mükafatını alacağıq. Biz populistlərə və milli satqınlara inanırdıq. İki dəfə - 2018-ci ildə və bu il də inandıq. Üç il yarım əvvəl, Gümrüdə hər şey başlayanda müsbət dəyişikliklərin qaçılmaz olduğuna inanırdıq. Bəli, xalq qarşısında Serj Sarkisyanın tarixi günahı da bu canavarı dünyaya gətirməsidir. O, bütün diktatorlar kimi, əvvəlcə insanların hüquqları uğrunda mübarizənin maskasını taxdı. Özünü demokrat kimi, istedadlı göstərməyi bacardi. Ona yalnız Ermənistanda deyil, dünyanın bir çox ölkələrində inanırdılar. Tanıdıqların və bəzən tanımadıqların bir çoxumuzu təbrik edirdi. Onlar illüziyaya inanırdılar. Mirac cazibədar və yaxın görünürdü...

Bu hökumətin hiyləgər, alçaq və xəyanətə hazırlaşdığını dərhal təxmin etmək olardı - birləşməkdən kənar, əksinə, xalqı parçalayan, rəqiblərinə qarşı repressiyalara davam edən...

Bəli, Köçəryan və Sarkisyanın günahı böyükdür. Lakin hökmranlığa cəza tədbirləri ilə başlamaq lazım deyildi. Əks halda hərəkət etmək lazım idi. Səlahiyyətlilər isə səhvdən sonra səhv etdilər. Bütün bunlar müharibəyə gətirib çıxardı. Və dəhşətli bir məğlubiyyətə. Biz torpaqlarımızı və Ermənistanın minlərlə ən yaxşı övladlarını itirdik.

Buna baxmayaraq, özümüz məğlubiyyətin qalmasına icazə verdik. Özümüz, türklər və ruslar deyil. İndi də bu inanılmaz səhvin bəhrəsini görürük. Biz əkdiyimizi biçirik və daha çox biçəcəyik, çünki onlar dayanmayacaqlar. Bunu polisin ölən əsgər Levon Galstyanın atası Armen Galstyanı “Yerablur” hərbi panteonundan gətirdiyindən də aydın görmək mümkün idi. O, 23 və 24 noyabrda oğlunun ona necə zəng etdiyini və harada olduğunu söylədiyini jurnalistlərə danışmışdı.

Noyabrın 27-də azərbaycanlılar gəncin və dostlarının cənazələrini təhvil verdilər. “Yerablur” da yüksək vəzifəli şəxslər var. Lakin jurnalistlərin irəli getməsinə və məmurlara sual verməsinə icazə verilmir. Və bu, gücün simasıdır - aldadıcı, qorxaq, millətə qarşı”.

Nigar