Xəbər lenti

  1. Əsas səhifə
  2. Ölkə

Deputat döydüyündən deyil, prezidentdən üzr istədi

09:01 02-08-2021 2682
Deputat döydüyündən deyil, prezidentdən üzr istədi
 

Millət Vəkili Eldəniz Səlimovdan açıqlama

Xaçmazda kefli vəziyyətdə polisi yatağından durğuzub döyən deputat Eldəniz Səlimov öz "Facebook" hesabında üzrxahlıq müraciəti paylaşıb. Maraqlıdır ki, mandatı itirməyin astanasında olan Səlimov döyüb təhqir etdiyi polis əməkdaşından deyil, ölkə prezidentindən üzr istəyib. E. Səlimovun paylaşımını təqdim edirik:
"Sosial şəbəkələrdə haqqımda gedən fikir və açıqlamalardan məlumatlıyam. Jurnalist marağının peşə fəaliyyəti ilə bağlı olduğunu anlayışla qarşılayıram. Bunu da bilirəm ki, insaniyyətlik və həssaslıq göstərib şəxsimlə maraqlananlar da var. Açığını deyim, təkcə ona görə susmadım ki, deməyə sözüm yoxdur. Sadəcə, hörmətli həmkarlarımı və məsələyə həssas yanaşan şəxsləri çıxılmaz vəziyyətdə qoymamaq üçün, aparılan araşdırmaların gedişatına mane olmamaq və açıqlamalarımın təsir, təzyiq kimi qarşılanmaması üçün bu neçə gündə susdum. Etdiyim hərəkətin yanlış olduğunun fərqində olmam da susmağımın səbəblərindən biridir. Bu səhvimə görə ilk növbədə Möhtərəm Prezident Cənab İlham Əliyevdən, mənə etimad göstərmiş YAP təmsilçilərindən, hörmətli həmkarlarımdan, seçicilərimdən və bütövlükdə xalqımızdan üzr istəyirəm. Üstündə dayanmayacağam, lakin deməliyəm ki, bu səhvə gətirib çıxaran çoxlu səbəblər, təhdid və təzyiqlər də olub. İnanmaq istəyirəm ki, istintaq onları da obyektiv araşdıracaq, əməlimlə yanaşı, ona gətirib çıxaran səbəb və səbəbkarlara da obyektiv qiymətini verəcək".
 
Səma

Bizi izləyin

paralel.az

Son Xəbərlər

BMT: 2024-cü ildə rekord sayda humanitar işçi ölümü qeydə alınıb

00:34 23-11-2024
Digər xəbərlər
0.02015495300293