Müharibədə xanımlar öndə olmalıdır

Anam Qarabağlı olduğu üçün müharibəni də, erməni vəhşiliyini də sadəcə yazılanlardan oxuyaraq deyil, həm də canlı şahidlərdən dinləyərək böyümüşəm. Yəni illərdir içimdə böyütdüyüm nifrət ölsəm də tükənməz..!!! Erməni nəinki bizim düşmənimizdir, mənə görə ümumiyyətlə, o insan deyil. Qardaşımın hər dəfə təkrar-təkrar dediyi bir ifadə var "ən yaxşı erməni, ölü ermənidir"!! ⠀
⠀
Qarabağ və vətən sevgisi isə mənim üçün müzakirəyə açıq olmayan mövzudır. Ən çox sevdiyim əzizim belə olsa, bu mövzuda heç vaxt güzəştə getmərəm!!⠀
⠀
Amma artıq hamımız gözləməkdən və itirməkdən yorulmuşuq. Ona görə də, düşmənə qalib gəlmək üçün doğru addımlar atmalıyıq. İlk olaraq düşməni düzgün qiymətləndirərək, onu tanımağı bacarmaq lazımdır. Biz, əslində onu tanıyırıq, həm də çox yaxşı tanıyırıq.. Sadəcə, düşüncə formamız, milli qeyrətimiz və insanlığımız imkan vermir ki, onun edə biləcəklərinin sərhədlərini müəyyənləşdirə bilək. Bunu istəsək də, bacara bilmərik...⠀
⠀
İndi isə düşmənə qarşı birləşmək əvəzinə parçalanırıq.. Axı öz aramızda cəbhələrə bölünüb parçalanmaq, haqlı və ya haqsız axtarmaq vaxtı deyil. Belçikada baş verənlərin intiqamını almaq istəyənlərin də, insanları soyuqqanlı olmağa səsləyənlərin də vətən sevgisinə heç kimin şübhəsi olmamalıdır. Hər kəs öz pəncərəsindən baxanda haqlıdır.. Haqlıyıq, amma artıq həm haqlı, həm də qalib olmağın yolunu tapmalıyıq..

Bəylər, heç bir halda müharibəyə getməsinə icazə verməyəcəyinizi düşündüyünüz xanımlarımız bugün düşmənlə eyni ölkələrdə yaşamağa, təhsil almağa və ya işləməyə məcburdurlar. Yəni ön cəbhədən qoruduğunuz xanımlar indi başqa cəbhədə əsas döyüşçülər sırasındadır. Onların hər hansı birinin qorxduğunu düşünmürəm, amma əgər bugün intiqam alacaqlar və ya qurbana çevriləcəklər arasında onların ön sıralarda olmasına razısınızsa, sabah müharibə başlayanda heç kimin xanımlar müharibəyə gedə bilməz deməyə haqqı olmayacağını da unutmayın.. ⠀
⠀
Artıq soyuqqanlı olmağa və oyunu qaydalarına görə oynamağa məcburuq. Yəni müharibə ön cəbhədə, siyasət isə beynəlxalq arenada olmalıdır, deyənlər də, intiqam çağırışları edənlər də bizik.. Heç birimiz digərindən daha az vətənpərvər və ya qorxaq deyilik. Sadəcə olaraq, bugün alacağımız heç bir intiqam sabahkı hadisələrin qarşısını almağa kömək etməyəcək. Əksinə, ermənilərə əlavə bir 100 il də yalan iddialar düzəltməyə tutarqa verəcək.⠀
⠀
Hər birimizin yanaşmaları fərqli ola bilər, amma hamımızın tək məqsədi var-düşməni məhv etmək!!! Gəlin, inadı bir kənara qoyub birləşməyi və doğru olanı etməyi bacaraq. Çünki bu fərdi mübarizə deyil. Məğlubiyyət də, qələbə də hamımızındır!!

Aytən Qurbanova

BDU-nun "Beynəlxalq münasibətlər" kafedrasının müəllimi