Bakı
Baku booked.net
+30°C
FreeCurrencyRates.com
AZ RU EN
Həsən bəy Zərdabi
“ Mətbuat cəmiyyətin güzgüsüdür. ”

Həsən bəy Zərdabi

Bakıda kişi özünü polis bölməsinin qarşısında YANDIRDI

  15
00:15 14-01-2019
Şriftin ölçüsünü dəyiş  

Sulutəpə qəsəbəsində bir kişi 40-cı Polis Bölməsinin qarşısında özünü nümayişkəranə şəkildə yandırıb. Paralel.az Virtualaz.org-a istinadən xəbər verir ki, həmin şəxs məcburi köçkün Tərlan Akif oğlu İslamovdur.

 

Sosial şəbəkə istifadəçilərinin bildirdiyinə görə, belə bir ümidsiz addım atmazdan əvvəl, həmin şəxs bir polis əməkdaşı ilə mübahisə edib.

 

Tərlan İslamov müxtəlif dərəcəli yanıq xəsarətləri ilə 5 saylı Kliniki xəstəxananın yanıq bölməsinə çatdırılıb. Onun koma vəziyyətində olduğu bildirilir.

 

Zərər çəkmişin qohumlarının dediklərinə görə, Tərlan İslamov polisə müraciət edib və bildirib ki, kafelərdən birində onun telefonunu oğurlayıblar. Ehtimala görə, kafenin sahibi də polis əməkdaşıdır. Ancaq zərərçəkmişin şikayətinə baxmayıblar, ona görə də o, polis bölməsinə yollanıb və deyib ki, əgər onun problemi ilə məşğul olmasalar, özünü yandıracaq,

 

Onun tələbinə əhəmiyyət verilməyib və həmin şəxs üstünə benzin tökərək özünü yandırıb.


Yazarlar