Bakı
Baku booked.net
+30°C
FreeCurrencyRates.com
AZ RU EN
Həsən bəy Zərdabi
“ Mətbuat cəmiyyətin güzgüsüdür. ”

Həsən bəy Zərdabi

“Nemətin həbsinin əsl səbəbi bizə qaranlıqdır” – Nemət Pənahlının xanımı DANIŞDI

  22
11:30 13-10-2018
Şriftin ölçüsünü dəyiş  

“Nemət Pənahlının həbs edilməsinin əsl səbəbi barədə heç bir söz deyə bilmərəm”.

 

Bunu Paralel.az-a tanınmış siyasətçi Nemət Pənahlının həbs olunmasından danışarkən həyat yoldaşı Həcər Pənahlı məlumat verib. O diqqətə çatdırıb ki, siyasətçi “Polis işçisinin və ya hərbi qulluqçunun qanuni tələbinə qəsdən tabe olmama” maddəsi ilə ittiham olunur:

 

“Amma onun təqsirinin nə olduğu barədə heç bir məlumatımız yoxdur. Çünki Nemət evə gələrkən, maşından düşüb, binaya girmək istəyəndə hadisə baş verib. Belə görünür ki, polislər onu evin qarşısında əvvəldən gözləyirmiş. Çünki maşın və binanın qapısı arası təxmini iki addımdır. Həmin arada nə isə baş versəydi, yaxud iddia edildiyi kimi polisə müqavimət halı olsaydı, mütləq həyətdən eşidilərdi. Halbuki bir neçə dəqiqənin içərisində onu götürüb aparıblar. Hesab edirəm ki, qeyd olunan maddə sadəcə bəhanədir. Amma əsl səbəb bizim üçün qaranlıqdır”.

 

Həcər Pənahlı həyat yoldaşının işi ilə məşğul olmaq üçün vəkillə məsləhətləşmədiklərini bildirib:

 

“Hər vəkil siyasətçinin hüquqlarını müdafiə etmir. Bu, çox çətinləşdirilib. Ona görə, hələlik Nemət üçün vəkil tapmaq müşkül məsələdir”.


Qeyd edək ki, Nemət Pənahlı Nəsimi rayon məhkəməsinin qərarı ilə həbs edilib və Binəqədi müvəqqəti saxlama təcridxanasına göndərilib. O, İnzibati Xətalar Məcəlləsinin 535-ci maddəsi “Polis işçisinin və ya hərbi qulluqçunun qanuni tələbinə qəsdən tabe olmama” ilə ittiham olunur. 

 

Aysel ASLAN

 


Yazarlar