Bakı
Baku booked.net
+30°C
FreeCurrencyRates.com
AZ RU EN
Həsən bəy Zərdabi
“ Mətbuat cəmiyyətin güzgüsüdür. ”

Həsən bəy Zərdabi

Bakının azad edilməsinin 100 illiyi ilə bağlı konsert keçirildi

  42
23:45 15-09-2018
Şriftin ölçüsünü dəyiş  

Bu gün Heydər Əliyev Mərkəzinin parkında Bakının azad edilməsinin 100 illiyi münasibətilə konsert proqramı keçirilib. Paralel.az xəbər verir ki, konsertdə Azərbaycanın estrada müğənniləri və musiqi qrupları, həmçinin Türkiyənin məşhur “Anadolu atəşi” rəqs qrupu çıxış edib.

 

Konsertdə Vətənə, Bakıya sevgini, Azərbaycan-Türkiyə qardaşlığını vəsf edən, eləcə də populyar mahnılar təqdim olunub.

 

Azərbaycanın Xalq artistləri Aygün Kazımova, Eyyub Yaqubov, Əməkdar artistlər Lalə Məmmədova, Tünzalə Ağayeva, Sevda Ələkbərzadə, Səbinə Babayeva, həmçinin tanınmış ifaçılar Natəvan Həbibi, Ceyhun Zeynalov, Murad Arif, “Qaya” və “Rast” qrupunun ifasında dinlənilən bir-birindən parlaq nəğmələr gecənin ahənginə rəngarənglik qatıb.

 

Türkiyənin məşhur “Anadolu atəşi” qrupunun əsrarəngiz ifaları tamaşaçılar tərəfindən gurultulu alqışlarla qarşılanıb.

 

Sonda Mərkəzin parkında atəşfəşanlıq olub.

 

Konserti Milli Parkda şəhərimizin qonaqları və paytaxtımızın sakinləri monitordan izləyiblər.


Yazarlar