Bakı
Baku booked.net
+30°C
FreeCurrencyRates.com
AZ RU EN
Həsən bəy Zərdabi
“ Mətbuat cəmiyyətin güzgüsüdür. ”

Həsən bəy Zərdabi

“Kedicikləri” Adnan Oktarı “baqaja qoydu”– Şantaj, təcavüz, zorakılıq...

  99
14:20 12-07-2018
Şriftin ölçüsünü dəyiş  

Dünən səhər saatlarında bir neçə bölgədə Adnan Oktar və 235 müridinin həbsi üçün keçirilən əməliyyatdan sonra şok iddialar ortaya çıxıb.

 

Paralel.az “CNN Türk” kanalına əsasən xəbər verir ki, onun A9 kanalında “kediciklər” adlandırdığı qadınlar Oktarın kiçik qız uşaqlarına təcavüz etdiyini iddia ediblər.

Onlar həmçinin dəhşətli cəzalardan da danışıblar. İddialara görə itaətsizlik edənlərə 24 saatda 20 nəfər təcavüz edib.

 

Həmçinin “Turnike” sistemi ilə aldadılan 11-17 yaş arası qız uşaqlarının fahişəliyə cəlb edilməsi iddiası da qaldırılıb.

Qruplaşmanın içərisində kediciklər, kişilər, bacılar, “kız kardeşler”, ədliyyə xidmətçiləri kimi vəzifə bölüşdürmələri olub.

Beləliklə “kız kardeşler” (bacılar) adlandırılan bölgüdə az yaşlı qızlar yer alıblar. Onlar “Türnike” sistemi adlanan üsulla yəni qrupun oğlan üzvləri tərəfindən evlilik bəhanəsi ilə bu təşkilata gətiriliblər. Sonra onlar evlənmək vədi verən oğlanlar tərəfindən digər kişi üzvlərlə cinsi əlaqəyə məcbur ediliblər.

 

“Kediciklər” bölgüsündə yer alan qadınların da bu sistemlə digər kişi üzvlərin seks-quluna çevrildikləri də bildirilib. Üzvlərdən birinin heç bir qadının icazə olmadan çölə buraxılmadığını, itaətsizlik edənlərin isə sutka ərzində 20 nəfər tərəfindən təcavüz edildiyini bildirib. Təcavüzə uğrayanlar içərisində kiçik qızların da olduğu qeyd edilib.

 

Xatırladaq ki qruplaşma üzvləri hərbi cəsusluqdan tutmuş uşaq təcavüzünə kimi 31 qanun pozuntusunda təqsirləndirilir.

Bütün bunlardan əlavə qrupun əsasən kişi üzvləri dini inanclarla aldatdıqları varlı ailələrin üzvlərini (əsasən qadınları) qrupun evlərindən birinə gətirirmişlər. Hətta tualetlərində belə kameraların olan bu kimi evlərdə həmin qadınlara təcavüz edilib və daha sonra isə şantaj yolu ilə pul və daha çox insanın cəlb edilməsi təmin edilib. Qruplaşmanın bütün bunlar üçün ümumilikdə 95 evə sahib olduğu məlum olub.

 

Bu iddia ilə 11-40 yaş arası olan 70 nəfər “Adnan Hoca” ləqəbli Adnan Oktardan şikayətçi olub.

Qruplaşmanın kişi üzvlərinin gecə-gündüz müridlik etdikləri və bu üsulla qruplaşmaya yeni üzvlər cəlb etdikləri bildirilir.

 

Polis həmçinin Oktarın aliment görünüşü altında qruplaşmaya pul köçürmələrini təmin etdiyini də iddiasını irəli sürüb. Polis tərəfindən mənzildə qruplaşmaya aid bir neçə zirehli maşın, A9 kanalının binasından isə silah sursat aşkarlayıb.

 

Qeyd edək ki, Türkiyə polisi Maliyyə nazirliyinin iki il sürən təhqiqatından sonra 4 ildə “Şəfəq əməliyyatı” həyata keçirib. Adnan Oktar və 234 müridinə qarşı həyata keçirilən əməliyyatda 170 nəfər həbs edilib. Əksəriyyətini kişilər təşkil edən qalan üzvlərin isə axtarışları davam etdirilir. Polis Azərbaycan və digər ölkələrdə islam dini adı altında ateizm, təkamül və sionizm əleyhinə yazdığı kitab və buraxdığı video disklərdən Harun Yəhya adı ilə tanıdığı Adnan Oktarı Çengelköydə həbs edib. Onun 100 otaqlı malikanəsinə gələn polisin basqın edəcəyindən duyuq düşən Oktar oradan qaçıb. Onun qaçması üçün isə mühafizəçilər polisə atəş açıblar. Daha sonra Oktar polis tərəfindən maşınında yaxalanıb. Evin hər yerində hətta gecə görmə funksiyalı kameralar yerləşdirilib.

 

Əvəz ZEYNALOV


Yazarlar