Qətər, Qəzza zolağında davam edən münaqişənin nizamlanması üçün apardığı vasitəçilik fəaliyyətlərini dayandırıb.

Paralel.az xəbər verir ki, bu barədə Qətərin Xarici İşlər Nazirliyinin sözçüsü məlumat verib.

O, qeyd edib ki, Qətər, münaqişə tərəflərinin vəziyyəti dinc yolla həll etmək üçün ciddi öhdəliklər göstərmələrini gözləyir və yalnız bu halda vasitəçilik prosesini yenidən bərpa etməyə hazırdır.

Qətərin qərarı son vaxtlar Qəzza zolağında gərginliyin artması ilə əlaqədar olaraq, münaqişənin sülh yolu ilə həlli istiqamətində daha böyük irəliləyişlərin əldə olunmaması ilə bağlı narahatlıqların fonunda verilib. Qətər bu günə qədər Qəzza ilə bağlı bir çox beynəlxalq təşəbbüslərdə, xüsusən də tərəflər arasında atəşkəs razılaşmalarının əldə olunmasında vasitəçi rolunu oynayıb.