Çikaqo Universitetinin amerikalı astrobioloqları Veneranın sərt şəraitində mövcud ola bilən və həyatın yaranmasına töhfə verə biləcək bir sıra üzvi molekullar aşkar ediblər. 

Paralel.az Qaynarinfo-ya istinadən xəbər verir ki tədqiqat "arXiv" resenziyasız elmi materiallar portalında dərc edilib.

Qayalı planetlər arasında Venera həcminə görə ən böyük atmosferə malikdir. Beləliklə, onun səthi əlverişsiz olsa da, atmosferində Günəş sisteminin hər yerindən daha çox Yerə bənzər bölgələr var.

Yeni araşdırmada komanda, planetin təhlükəli təbiətinə tab gətirə biləcəyini yoxlamaq üçün Veneraya bənzər şəraitdə fərqli tikinti bloklarını sınaqdan keçirib.

Elm adamları canlı hüceyrələrin membran əsaslı quruluşu olan lipidlərə diqqət yetiriblər. Mütəxəssislər lipidləri sınaq borularına yerləşdirərək onları Veneranın buludlarını təşkil edən sulfat turşusuna məruz qoyublar.

Nəticələr göstərib ki, bəzi lipidlər yalnız sulfat turşusunda həll olunmur, həm də aqressiv mühitdə strukturlar əmələ gətirir.

Tədqiqatçılar belə nəticəyə gəliblər ki, üzvi həyatın bəzi aspektləri bioloji prosesləri dəstəkləmək üçün su əvəzinə sulfat turşusundan istifadə edə bilər.

"Bu aşındırıcı həlledicidə lipid membranların dayanıqlığını nümayiş etdirməklə biz Venerada konsentrasiya edilmiş sulfat turşusu bulud mühitlərinin potensial yaşayış qabiliyyətini öyrənməkdə irəliyə doğru əhəmiyyətli bir addım atdıq", deyə məqalənin müəllifləri yekunlaşdırıblar.