Dünya pop səhnəsinin əfsanıəvi ulduzu Cennifer Lopez keçmiş həyat yoldaşı, Hollivud aktyoru Ben Afflekdən boşanaraq sərvətinin yarısını itirəcək.

Hazırda Cenniferin sərvəti 400 milyon dollar qiymətləndirilir.

Buna baxmayaraq, Lopezin maliyyə komandası həyəcan təbili çalır və onu dayandırmağa çağırır.

“O, özünü hədsiz bahalı alış-verişlərlə sevindirir. O, bunu pərakəndə terapiya adlandırır və ona ehtiyacı olduğunu söyləyir, lakin hesablar həddindən artıqdır. O, müntəzəm olaraq özü və ətrafındakılar üçün dizayner paltarlarına gündə bir neçə yüz min dollar xərcləyir. Onun indi pul xərcləmə tərzi çılğındır, lakin o deyir ki, bu, onu xoşbəxt edir”, - deyə mənbə vurğulayıb.

Nəşr bildirir ki, boşandıqdan sonra müğənni böyük ehtimalla Afflekə 150 milyon dollar ödəməli olacaq və boşanma prosesinə ən azı daha 50 milyon dollar xərcləyəcək. 

Qeyd edək ki, Cennifer avqustun sonunda Bendən boşanmaq üçün ərizə verib. Ulduzların çox maraqlı münasibət tarixçəsi var: onlar 2002-ci ildə nişanlanıblar, lakin medianın sıx diqqətinə görə, necə deyərlər, nişanı ləğv ediblər. Demək olar ki, 20 il sonra münasibətlərini yenidən alovlandırdılar və 2022-ci ildə evləndilər. Əvvəlcə onların ailə həyatı xoşbəxt görünsə də, lakin sonradan Benlə Cenniferin münasibətlərində gərginlik yaşanıb hətta davaya qədər böyüyüb.//Olay.az