"Instagram" və "Facebook" kimi "Meta" platformalarında istifadəçilərə narkotik almağı təklif edən yüzlərlə reklam aşkarlanıb. İndi ABŞ Konqresi Mark Zükerberqdən moderasiya zamanı bu reklamın necə qaçırıldığını izah etməyi tələb olunur.  

Qaynarinfo xəbər verir ki, bu barədə "Engadget” yazır.

Konqresdən Zükerberqə göndərilən yeni məktubda "Tech Transparency Project”in İnstagram və Facebook-da "müxtəlif əczaçılıq və digər dərmanların satıldığı” 450 reklamı aşkar edən hesabatına istinad edilir.

Bu reklamlarda müxtəlif həblərin, tozların, o cümlədən kokain və s. şəkilləri göstərilir. Daha sonra istifadəçilərdən satın almaq üçün Telegram kimi digər xidmətlərə keçmələri təklif olunur. Eyni reklamlar artıq X-də aşkarlanıb. 

"Görünür, "Meta" sosial məsuliyyətindən yayınmağa və öz icma qaydalarına qarşı çıxmağa davam edir. Bu işdə xüsusilə dəhşətli olan odur ki, bu, darknet və ya şəxsi sosial media səhifələrində istifadəçi tərəfindən yaradılan məzmun deyil, "Meta" tərəfindən təsdiqlənən və pul qazanan reklamdır. Bu reklamların bir çoxunun başlıqlarında, təsvirlərində, fotoşəkillərində və reklamçı hesab adlarında qeyri-qanuni narkotiklərə açıq istinadlar var idi ki, bunları "Meta" reklam kitabxanasından istifadə edərək "Wall Street Journal” və "Tech Transparency Project” araşdırmaçıları və jurnalistləri asanlıqla tapıblar. Bununla belə, görünür ki, bütün bunlar «Meta»nın daxili prosesləri tərəfindən diqqətdən kənarda qalıblar və ya nəzərə alınmayıblar”, - Zükerberqə ünvanlanan məktubda deyilir.

İndi Zükerberqdən "Meta"nın narkotik reklamını qadağan edən qaydalara uyğunluq siyasəti ilə bağlı təfərrüatlar tələb olunur. Həm də reklamların nə qədər baxış topladığı və nə qədər insanın onlarla ünsiyyət qurduğu barədə məlumat verməyə çağırılır.

Vəziyyəti şərh edən şirkət nümayəndəsi, "The Wall Street Journal”da dərc edilmiş əvvəlki açıqlamaya işarə edərək, şirkətin yüz minlərlə belə reklamı artıq blokladığını söyləyib.