Süni intellekt “WhatsApp”da
“WhatsApp” messenceri biznes hesablarının idarə edilməsi üçün süni intellektə əsaslanan köməkçi təqdim edəcək.
“Meta”nın təsisçisi Mark Zukerberq “TechCrunch” portalına bildirib.
Onun sözlərinə görə, messencer müxtəlif tapşırıqlar, o cümlədən biznes üçün bir neçə süni intellekt sistemini işə salacaq. Neyroşəbəkə müştərilərlə danışan, müşayiət edən və kommersiya fəaliyyəti quran vasitəçi kimi çıxış edəcək.
Belə ki, biznes istifadəçiləri "Facebook" və "Instagram" sosial şəbəkələrində hədəfli reklam üçün süni intellekt sistemlərindən istifadə edə biləcəklər və bu reklamlar müştəriləri WhatsApp çatına yönləndirəcək. Süni İntellekt həmçinin daxil olan suallara avtomatik cavab verə biləcək.