İtaliyada su elektrik stansiyasındakı partlayışda ölənlərin sayı 7-yə çatıb
İtaliyanın şimalındakı Suviyana gölündə “Enel” enerji şirkətinə məxsus su elektrik stansiyasında (SES) ötən bazar günü baş verən partlayış nəticəsində həlak olanların sayı 7-yə yüksəlib.
AZƏRTAC xəbər verir ki, hadisə nəticəsində itkin düşən daha bir nəfərin cəsədi mülki-müdafiə bölmələrinin dalğıcları tərəfindən tapılıb.
Xatırladaq ki, “Bargi” elektrik stansiyasındakı partlayış zamanı 3 nəfər həlak olmuş, 4 nəfər itkin düşmüşdü.
Bolonya prokurorluğu hadisə ilə bağlı cinayət işi açıb, araşdırmalar aparılır.