"Milan"ın qapıçısı irqçiliyə məruz qalıb
İtaliyanın "Milan" klubunun qapıçısı Mayk Menyan irqçiliyə məruz qalıb.
Hadisə komandanın "Udineze"ni səfərdə məğlub etdiyi A Seriyasının XXI tur oyununda baş verib.
Qarşılaşmanın ilk hissəsində azarkeşlər fransalı qolkiperi fitə basıblar və meydana əşyalar atıblar. Bu səbəbdən baş hakim Fabio Mareska 32-ci dəqiqədə görüşü bir müddətlik dayandırıb. Mayk Menyan isə paltardəyişmə otağına yollanıb.
Daha sonra matç bərpa olunub və "Milan" 3:2 hesablı qələbə qazanıb.