Maaşdan nə qədər icbari tibbi sığorta və işsizlik sığortası tutulur?
Valyuta.az maaşdan tutulan icbari tibbi sığorta və işsizlik sığortası haqqında vergi məsələləri üzrə ekspert Nahid Tağıyevin şərhini təqdim edir:
“Əmək haqqıdan qanunvericiliyin tələbinə uyğun olaraq 0.5% işsizlikdən sığorta haqqı tutulur. Məsələn, işçi 500 manat maaş alırsa bunun 2.50 manatı işsizlikdən sığorta haqqı kimi tutulur. İcbari tibbi sığortadan isə qanunvericiliyə əsasən əmək haqqının 8000 ( səkkiz min) manata qədər olarsa, əmək haqqının 2% həcmində icbari tibbi sığorta haqqı tutulur. Əmək haqqının 8000 (səkkiz min) manatdan yuxarı olan hissəsindən isə 0.5% icbari tibbi sığorta haqqı tutulur”.