"Qeydə alınan artım faizinə uyğun olaraq pensiyalar yanvar ayından indeksasiya edilərək artırılacaq. Rəsmi məlumata görə, 2023-cü ilin yanvar-noyabr aylarında orta aylıq nominal əməkhaqqı əvvəlki ilin müvafiq dövrünə nisbətən 923,1 manat olub."

"Paralel.az" xəbər verir ki, bunu deputat Vüqar Bayramov deyib. O bildirib ki, yəni, ötən ilin ilk 11 ayının nəticəsinə görə, orta aylıq maaş 11,2% artıb:

"Dövlət Sosial Müdafiə Fondu isə pensiyaların 10,8%-ə indeksasiya ediləcəyini proqnozlaşdırır. Bu o deməkdir ki, fond 2023-cü ilin orta aylıq əməkhaqqı məbləğində məhz bu qədər artımın qeydə alınacağını gözləyir. Bununla belə, indeksasiya, yəni pensiyalardakı artım əvvəlki ilin orta aylıq əmək haqqısındakı artım faizinə uyğunlaşdırılır. Ötən ilin ikinci yarısında orta aylıq əmək haqqındakı rəsmi artım aylıq olaraq 11%-dən çox olub. Son rəqəm gələn ayın əvvəlində elan olunacaq. Həmin zaman orta aylıq əməkhaqqıda illik artım faizinə uyğun da pensiya artımları reallaşacaq."