“Qarabağ” ilk transferini reallaşdırdı - RƏSMİ
"Qarabağ” qış transfer pəncərəsində ilk futbolçu keçidini gerçəkləşdirib.
Ağdam təmsilçisinin mətbuat xidməti xəbər verir ki, ölkə çempionu “Sabah”ın oyunçusu Aleksey İsayevi transfer edib.
Azərbaycan millisinin 28 yaşlı yarımmüdafiəçisi ilə 3,5 illik müqavilə imzalanıb.
O, 2020-2023-cü illərdə “Sabah”ın formasını geyinib. İsayev bunadək Rusiyada “Yenisey” (2014-16, 2017-18) və “”Zenit-2” (2016-18), ölkəmizdə “Sumqayıt”da (2018-20) çıxış edib.
