“Azərbaycan illər boyu işğala və soyqırıma məruz qalan tərəf olub, nəhayət üç il öncə torpaqlarını işğaldan azad edərək tarixi ədaləti bərpa edib”.

"Report" xəbər verir ki, bunu Meksika Konqresinin senatoru Navor Roxas Azərbaycan Milli Məclisinin deputatları ilə görüşü zamanı deyib.

Senator Şuşa şəhərinə səfəri ilə bağlı təəssüratlarını bölüşüb, işğaldan azad edilmiş ərazilərdə erməni quldurlarının törətdikləri ağlasığmaz vəhşiliklərlə yanaşı, Azərbaycan hökuməti tərəfindən aparılan genişmiqyaslı bərpa və yenidənqurma işlərinin, qısa müddət ərzində əldə edilmiş heyrətamiz nəticələrin şahidi olduğunu bildirib.