Hörmətli Səməd müəllim! Azərbaycanda 0,9 azn (90 qəpik) bonus alan həkim də var, onu niyə demirsiz?

Deyirsiz ki, 24 500 azn qazanan ümumi cərrah var. Zəhmət olmasa açıqlayın, o cərrah ayda neçə əməliyyat edib? O əməliyyatları hansı keyfiyyətdə edib? Sizdən o pulu almaq üçün cərrah gecə-gündüz durmadan əməliyyat etməlidir, bu isə insanın fiziki imkanları xaricindədir. 3-5 normal qazanan həkimləri hallandırıb, həkimləri insanların gözündən salmaq, həkimlərə qarşı olan aqressiyanı daha da artırmaq istəyirsiz?

Bir həkim o yerə gəlmək üçün ömrünün ən gözəl illərini qurban verib, gözünün nurunu verib. Bu açıqlama həkimləri hədəfə gətirməkdir, o həkimlərin özlərini və ailə üzvlərini təhlükəyə atmaqdır. Niyə demirsiz ki, Azərbaycanda milyonlarla rüşvət alan məmurlar var, mən hər gün şəhərdə 300 000-500 000 azn dəyərində olan, piyada keçidində az qala insanların üstünə çıxan çoxlu sayda məmur avtomobilləri və zibilliklərdən çörək yığan insanlar görürəm.

"Paralel.az"