Rusiya sülhməramlıları Qarabağda öz öhdəliklərini vicdanla yerinə yetirdilər.

"Paralel.az" xəbər verir ki, bunu Rusiya Prezidenti Vladimir Putin çıxışı zamanı bildirib.

Onun RSK-nin postlarının ləğv olunması fonunda onlar haqda keçmiş zamanda danışması diqqət çəkib.

Putin həmçinin deyib ki, Moskva Bakı ilə İrəvan arasında sülh planının gələcək inkişafı ilə ilk növbədə nazirlər səviyyəsində danışıqları təşkil etməyə hazırdır:

“Gündəlikdə Ermənistanla Azərbaycan arasında sülh müqaviləsinin hazırlanması məsələsi var və biz buna hər cür şərait yaratmağa hazırıq”.

O habelə qeyd edib ki, Rusiya Federasiyası Fələstin-İsrail nizamlanmasında vasitəçi olmağa hazırdır.