HƏMAS hücumu hasarlardakı boşluqdan istifadə etməklə reallaşdırıb
Oktyabrın 7-sində minə yaxın HƏMAS döyüşçüsü İsrailin 20 yaşayış məntəqəsi və 11 bazaya hücumu hasarlardakı 80-ə yaxın boşluqdan istifadə etməklə reallaşdırıb.
“Paralel.az” xəbər verir ki, bu barədə “Kan” radiosu məlumat yayıb.
Radionun məlumatında deyilir ki, “İsrail ordusunun hesablamalarına görə, oktyabrın 7-sində Qəzza zolağı ilə sərhəddən ölkəyə 800-1000 terrorçu daxil olub. Onlar hasardakı 80-ə yaxın boşluqdan istifadə edərək hücum ediblər”.
Hazırda isə İsrailin cənubunda Qəzza zolağı ilə sərhədə yaxın altı məntəqədə HƏMAS döyüşçüləri ilə aktiv döyüşlər davam edir.