Azərbaycan Prezidenti daha bir ənənənin təməlini qoydu - Musa Qasımlı
26 avqust Laçın şəhər bayram günün keçirilməsi ölkəmizdə bir ilkdir və yeni ənənənin təməlinin qoyulmasıdır.
Bunu açıqlamasında deputat Musa Qasımlı deyib.
Deputat bildirib ki, bayram günündə insanların uzun illər işğaldan sonra yeni tikilmiş evlərinə qayıtması, onlar üçün özünəməşğulluq proqramının icrasına başlanılması dövlət siyasətimizin uğurlu həyata keçirildiyini göstərir:
“Cənab Prezident İlham Əliyevin kəndlərdə və Laçın şəhərində sakinlərlə görüşü, bayram toplantısındakı nitqi ciddi mesajlarla zəngin idi. Dövlət başçısı nitqində hər şeydən əvvəl keçdiyimiz yola, Laçının işğal altına düşməsi tarixinə nəzər yetirdi. O, eyni zamanda şəhərin və rayonun işğaldan azad edilməsi yolundakı əngəllərin necə aşıldığına bir daha diqqət çəkdi. Cənab Prezident onu da bəyan etdi ki, Həkəri çayı üzərində qurulmuş sərhəd nəzarət-buraxılış məntəqəsi kimlərinsə istədiyi kimi nə qurula, nə də fəaliyyət göstərə bilməz. SBM-in qurulması Azərbaycan dövlətinin suveren hüququdur və Azərbaycan bir qarış torpağını kimsəyə verməyib və verməyəcək də. Hesab edirəm ki, 26 avqust tarizixmizin ən gözəl günlərindən birinə çevrildi”.