Hindistanda pirotexnika fabrikində partlayış olub
Hindistanın Qərbi Benqal əyalətində qeyri-qanuni fəaliyyət göstərən pirotexnika fabrikində partlayış baş verib.
Paralel.az xəbər verir ki, ilkin məlumata görə, partlayışda 7 nəfər ölüb, çoxlu sayda insan yaralanıb.
Dövlət rəsmiləri ölənlərin sayının artmasından narahat olduqlarını bildiriblər.
Məlumata əsasən, Qərbi Benqal əyalətində qeyri-qanuni fəaliyyət göstərən pirotexnika fabriklərində partlayışlar tez-tez baş verir. Mayın 22-də əyalət hökuməti bu fabrikləri araşdırmaq üçün xüsusi komitə yaradıb.