Həftənin ilk “Açıq mikrofon” aksiyası Xaçmaz rayonunda keçirildi

"Paralel.az" xəbər verir ki, SOCAR “Azəriqaz” İB-nin “Səyyar qəbul otağı” Xaçmaz rayonunun Qımılqışlaq kəndində təşkil olunub. Aksiyaya qatılan sakinlərdən 6 nəfəri mikrofon önünə çıxaraq müraciətlərini ünvanlayıblar. Qımılqışlaq camaatı əsasən fərdi yaşayış evinin qazlaşdırılmasını, küçə qaz xəttinin çəkilməsini xahiş ediblər. Bir müraciət isə qaz xəttinin yerinin dəyişdirilməsindən ibarət olub. Xaçmaz RQİİ-nin məsul şəxsləri görüşdə səsləndirilən hər bir problem və təklifin araşdırılaraq həllinə nail olunacağını bildiriblər.