Rusiya Ukraynanın Krivoy Roq şəhərini vurdu: ölən və yaralananlar var
Rusiya Ukraynanın cənubundakı Krivoy Roq şəhərində 9 mərtəbəli mənzil və təhsil müəssisəsini raketlə vurub.
Paralel.az “Haber7com”a istinadla xəbər verir ki, bu barədə Ukrayna Fövqəladə Hallar Xidməti açıqlama verib.
“Ruslar 9 mərtəbəli yaşayış binasına raket zərbəsi endiriblər. Yanğın binanın 4-cü mərtəbəsində baş verib. Yanğından 2013-cü il təvəllüdlü uşaq xilas edilib. 4 nəfər həlak olub, 33 nəfər yaralanıb",-açıqlamada qeyd olunub.
Digər tərəfdən hədəfdə olan mənzildən 3 nəfərin xilas edildiyi, 30 nəfərin isə təxliyə edildiyi bildirilib.