Keremilə PUA hücumunu Ukrayna təşkil edib?

"Paralel.az"  xəbər verir ki, ABŞ kəşfiyyatı Ukraynanın Kremlə pilotsuz təyyarə ilə hücumu təşkil etdiyindən şübhələnir.

ABŞ hakimiyyəti etiraf edir ki, Kremlə pilotsuz uçan aparat hücumu, ehtimal ki, Ukrayna xüsusi xidmət orqanlarının hərbi və ya kəşfiyyat bölmələrindən biri tərəfindən təşkil oluna bilər. Bu barədə New York Times və CNN Amerika kəşfiyyatındakı mənbələrə istinadən yazır.

Amerika kəşfiyyat xidmətlərinin fərziyyələri Rusiya və Ukrayna rəsmiləri arasında dinlənilmiş danışıqlara əsaslanır. Eyni zamanda, ABŞ hücumun arxasında hansı strukturun dayandığını və Ukrayna prezidenti Vladimir Zelenskinin və digər yüksək rütbəli Ukrayna rəsmilərinin bundan xəbəri olub-olmadığını dəqiq bilmir.

NYT mənbələri Ukrayna hökumətinin Kremlə hücuma birbaşa icazə verdiyinə inam səviyyəsini "aşağı" adlandırıb. Amerika rəsmilərinin fikrincə, Ukrayna kəşfiyyatçıları bir-birindən asılı olmayaraq işləyirlər və Zelenski bütün gizli əməliyyatların planlarını təsdiq etmir və xüsusi xidmət orqanlarına birbaşa göstərişlər vermir, sadəcə işin ümumi istiqamətini müəyyən edir.

ABŞ rəsmiləri hesab edirlər ki, Ukrayna kəşfiyyat xidmətləri Kremlin ideoloqu Darya Duqinanın qızı və “hərbi müxbir” Vladlen Tatarskinin qətlində, həmçinin Rusiya ərazisinə, o cümlədən Belqorod vilayətinə son reydlərə görə də məsuliyyət daşıya bilər.

Rəsmi olaraq Ukrayna hakimiyyəti Rusiya ərazisinə edilən hücumlarda iştirakını inkar edir.

Mayın 3-nə keçən gecə iki pilotsuz təyyarə Vladimir Putinin Kreml iqamətgahına hücum edib. Rusiya Federasiyası Prezidentinin mətbuat xidməti hücumu “planlaşdırılmış terror aktı və Rusiya Federasiyası Prezidentinin həyatına qəsd” kimi qiymətləndirdiklərini və buna görə Ukrayna hakimiyyətini günahlandırdıqlarını bildirib. Müstəqil analitiklərin fikirləri bölünür: bəziləri təxribatı Moskvanın özünün təşkil etdiyini, bəziləri isə bunun arxasında Ukraynanın dayandığını düşünür.

Dəniz