Yaponiyanın xarici işlər naziri Yoşimasa Hayaşi Moskva ilə Pekin arasında hərbi əməkdaşlığın intensivləşməsindən narahatlığını ifadə edib və tərəflərin onun dövləti ətrafında mütəmadi olaraq həyata keçirdiyi hava kəşfiyyatı və dəniz təlimlərinə işarə edib.

Paralel.az xəbər verir ki, XİN başçısı bunu Avropa xarici işlər nazirinin Hind-Sakit okean regionu ölkələri ilə görüşü çərçivəsində İsveçdə çıxışı zamanı qeyd edib.

"Çin və Rusiya öz bombardmançı təyyarələrinin birgə uçuşları və Yaponiya yaxınlığında birgə hərbi dəniz təlimləri də daxil olmaqla, hərbi əməkdaşlığı gücləndirirlər", deyə nazir bildirib.

Hayaşi hesab edir ki, Çin Şərqi və Cənubi Çin sularında istənilən status-kvonu əldə etmək üçün müvafiq manevrlər həyata keçirib. O, Pekinin geosiyasi ambisiyalarını sınaqdan keçirdiyi Tayvan ətrafında hərbi əməliyyatların artmasına da diqqət çəkib.