Moskvanın güc nümayişindən qorxmamalıyıq, əksinə... - Almaniya kanslerindən çağırış
Avropa İttifaqı (Aİ) Moskvanın hərbi güc nümayişindən qorxmamalı, Ukraynaya nə qədər lazımdırsa, dəstək verməkdə davam etməlidir.
“Paralel.az ” “reuters”ə istinadən xəbər verir ki, bunu Almaniya kansleri Olaf Şolts Avropa Parlamentinin deputatları qarşısında çıxışı zamanı deyib.
“Şimal-şərqdə, bizdən 2200 kilometr aralıda Putin bu gün öz əsgərlərinin, tanklarının və raketlərinin paradını qəbul edir. O bizi bu cür güc oyunları ilə qorxuda bilməz. Gəlin Ukraynaya hansı səviyyədə dəstək lazımdırsa verək və mövqeyimizdə dəyişməz qalaq", - Almaniya kansleri vurğulayıb.
Solts onu da bildirib ki, Rusiyaya qarşı yeni sanksiayalr paketi hazırlanır və sanksiyaların növbəti sərtləşdirilməsi sonuncu olmayacaq:
“Aİ Rusiyaya qarşı sanksiyalar rejiminin sərtləşdirilməsi üzərində işləyir, növbəti paket sonuncu olmayacaq. Biz artıq sanksiya tədbirlərinin daha da sərtləşdirilməsini müzakirə etməkdəyik və növbəti tədbir sonuncu olmayacaq. Bu daimi işdir”.
Mürtəza
Paralel.az