İnsanlıq, insan... - Səadət Qərib yazır...
İNSANLIQ, İNSAN
Elə insanlar var gizli xəzinə
Mənəvi zəngindir ,şəxsiyyət onlar.
Vicdani xeyirxah əməlləriylə,
Elmlə, zəkayla güclüdür onlar.
Mərdlik qanımızda, canımızda var.
Xalqa xidmət edən aqil insanlar.
Millətin dərdini, yükünü çəkən
Vətənə, dövlətə sadiq insanlar.
Kainat kimidir, dünya kimidir
Özün inşa edib yaradan insan.
Mübariz ruhuyla ucalar hər dəm,
Özünü özünə çatdıran insan.
Amalı ədalət,əqidəsi pak
Nəğməsi vətəndir, sevgisi torpaq.
İnsan var devizi insanlıq, "insan"
Kamalı günəşdən parlaqdır parlaq.
Səadət Qərib
Paralel.az