İtən uşaqdan 40 gün sonra şad xəbər

İtən uşaqdan 40 gün sonra şad xəbər
 

Kahramanmaraşda baş verən zəlzələ nəticəsində Hatayda dağıntılar altından xilas edilən üç yaşlı Əbdülmömin İbrahimdən təcili yardıma mindirildikdən sonra bir daha xəbər alınmayıb.

Üç yaşlı uşaqdan düz 40 gün sonra xoş xəbər gəlib.

Üç yaşlı Abdulmumin İbrahim təxminən 40 gün sonra İstanbulda tapılıb. Əbdülmöminin əmisi Bilal İbrahim başına gələnləri danışıb.

Zəlzələnin üçüncü günündə qardaşı oğlunun dağıntılar altından çıxarıldığını deyən İbrahim bunları deyib: “Antakyada idik. Dağıntılar altından çıxdıq və bir müddət sonra üç yaşlı qardaşım oğlunu çıxartdıq. Oğlan heç nə danışmırdı. Təcili yardım çağırıb oradakı xəstəxanaya getdik, heç nə yox idi. Daha sonra uşaq təcili yardıma mindirilərək Mersin Yeni Şəhər Xəstəxanasına aparılıb. Təcili yardım maşınının sürücüsü yer olmadığı üçün məni içəri buraxmadı. Ertəsi gün xəstəxanaya getdim, tapa bilmədim. Dedilər ki, belə uşaq yoxdur".

Mersin və ətraf şəhərlərdəki xəstəxanalarda qardaşı oğlunu tapa bilmədiyini deyən İbrahim, Abdulmüminin İstanbulda xəstəxanada olduğunu bir dostunun xəbər verdiyini deyib.

0.011282205581665