İsveç rusiyalı idmançıları dünya çempionatına buraxmadı
Rusiyadan olan xizəkçi və biatlonçular İsveçdə hərbçilər arasında keçiriləcək dünya çempionatına buraxılmayıblar.
Paralel.az xəbər verir ki, bu barədə yarışın təşkilat komitəsinin nümayəndəsi Ulrik Hansson-Mild bildirib.
“Mövcud təhlükəsizlik tədbirlərinə və Ukraynadakı vəziyyətə görə İsveç bu yarış zamanı Rusiyadan iştirakçı qəbul etməyəcək”, - Hansson-Mild deyib.
Dünya çempionatı martın 27-dən aprelin 1-dək İsveçin Boden şəhərində keçiriləcək.