Səndən küsdüm, incidim
Ehey dünyam! Səndən küsdüm incidim,
Gözlərimdə uşaq ikən inciydin,
Hey süzərdim durna kimi havada,
Necə xoşbəxt idim necə dinc idim.
***
İndi faniliyin üzür canımı,
Yapışıb zəli tək sorur qanımı,
Ayımı günümü elə qovursan,
Alırsan əlimdən hər bir anımı.
***
Dünən körpə idim bu gün qarıyam,
Qoymayırsan səndən doyam yarıyam,
Bir onu bilirəm ey fani dünyam,
Məni sevən kəsin ilk baharıyam.
Məhsəti Şeyda Əli Qızı
"Paralel.az"