Dayan! -dedi Azərbaycan
Arzu Əsəd :
...Və nəhayət
qəzəbinə, nifrətinə yığılan xalq,
bir sevdaya düyümlənən,
bir yumruğa sıxılan xalq:
- Dayan! - dedi.
Bağrındakı yaraları
bir-bir sökdü, bir-bir açdı,
tarix köpdü, tarix daşdı:
- Dayan! - dedi
Təbiət də bu savaşda,
təbiət də bir təlaşda,
yer də, göy də, dağ da, daş da:
- Dayan! -dedi.
Məzarında çevrilənlər
yetər dedi, yetər, yetər,
qisas qalmaz qiyamətə,
- Dayan! - dedi.
Şəhadətə qoşan ruhlar
bədənlərdən fışqıraraq,
qan-qırmızı qışqıraraq:
- Dayan! -dedi.
- Dayan! -dedi Azərbaycan:
- Dayan! -Dayan!..
Paralel.az