Paralel.az xəbər verir ki, Böyük Britaniyada aparılan araşdırmalar koronavirus üçün ümid verən bir nəticəyə gəlib. Böyük Britaniyanın Sağlamlıq Təhlükəsizliyi Agentliyi tam peyvənd olunmuş insanlarda “uzun kovid”in daha az yayıldığını açıqlayıb: “Peyvəndlər Covid-19-a qarşı əlimizdə olan ən güclü silahdır. Peyvəndlər yoluxma riskini əhəmiyyətli dərəcədə azaltsa da, virusa yoluxmuş olsa belə, insanın xəstəliyə qalib gəlməsində əsas rol oynayır.
İngilis tədqiqatçıları həmçinin vurğulayıblar ki, 60 yaşdan yuxarı insanlar gənc yetkinlərə nisbətən infeksiyadan sonra davamlı simptomlara qarşı daha yüksək qorunma səviyyəsinə malikdirlər.
Yaşlı insanların və ciddi tibbi vəziyyəti olan insanların uzunmüddətli COVID-19-dan əziyyət çəkmə ehtimalı yüksək olsa da, bir çox gənc və sağlam insanlar ilk COVID-19 diaqnozundan sonra həftələr və hətta aylar ərzində özlərini pis hiss etdiklərini bildirirlər.
Uzunmüddətli COVID simptomları dəyişir, lakin əsas simptomlara yorğunluq, beyin dumanı, əzələ və ya oynaq ağrısı, nəfəs darlığı, yatmaqda çətinlik, depressiya və ya narahatlıq daxildir”.
Nigar