Paralel.az xəbər verir ki, Çin həmçinin ABŞ-ı Tayvan məsələsində odla oynamağı dayandırmağa çağırıb.

ABŞ Pekin Qış Olimpiya Oyunlarına müdaxiləni dərhal dayandırmalıdır. Bunu cümə axşamı Çinin xarici işlər naziri Van Yi ABŞ dövlət katibi Entoni Blinkenlə telefon danışığında bildirib.

"Amerika tərəfinin Pekin Qış Olimpiya Oyunlarına müdaxiləsini dayandırması çox vacib məsələdir", - o, Çin Xarici İşlər Nazirliyinin saytından sitat gətirib.

Dekabrın 6-da Birləşmiş Ştatlar 2022-ci il Pekin Olimpiadasını diplomatik boykot elan etdi, o cümlədən rəsmilərin Çinə getməsinə icazə verilmədi. Bununla belə, yarışda amerikalı idmançılar iştirak edəcək. ABŞ-ın mövqeyini Avstraliya, Böyük Britaniya, Kanada, Hollandiya və Danimarka dəstəkləyib.

XIV Qış Olimpiya Oyunları 2022-ci il fevralın 4-dən 20-dək Pekində, Paralimpiya Oyunları isə martın 4-dən 13-dək keçiriləcək. Beynəlxalq Olimpiya Komitəsinin 2015-ci il iyulun 31-də Kuala-Lumpurda keçirilən sessiyasında Olimpiada və Paralimpiya Oyunlarının keçirilmə yeri kimi Çinin paytaxtı seçilib.

Pekin 2008-ci ildə həm Yay, həm də bu il Qış Olimpiya Oyunlarına ev sahibliyi edən dünyada ilk şəhər olacaq.

Çin həmçinin ABŞ-ı Tayvan məsələsində odla oynamağı dayandırmağa və hər cür anti-Çin qruplaşması yaratmağı dayandırmağa çağırıb.

."Birləşmiş Ştatlar Tayvan məsələsində odla oynamağı dayandırmalı, Çini cilovlamaq məqsədi daşıyan müxtəlif növ anti-Çin qruplaşmaları yaratmağı dayandırmalıdır", - Çinin xarici işlər naziri bildirib.

Birləşmiş Ştatlar 1979-cu ildə Tayvanla diplomatik əlaqələri kəsərək Pekinlə münasibətləri qurdu. Buna baxmayaraq, Vaşinqton özünü idarə edən ada ilə əlaqələri davam etdirir və onu silahla təmin edir ki, bu da Çində etirazlara səbəb olur.
Akif Nəsirli