Paralel.az xəbər verir ki, alimlərə görə,  bəzi insanların Covid-19-a yoluxandan sonra qoxu hissini itirməsinin səbəbi genetik amillərdir.
Koronavirusa yoluxandan altı ay sonra ABŞ-da 1,6 milyon insan hələ də qoxu bilmir və ya iybilmə qabiliyyətində böyük dəyişiklik yaşayır. Dünyanın başqa ölkələrində də oxşar vəziyyət var.
Nature Genetics jurnalında dərc edilən bir araşdırma koronavirus infeksiyasından sonra qoxu itkisi ilə əlaqəli genetik risk faktorunu müəyyən edib. Bu tədqiqat lazımi müalicələrə yol göstərə biləcək bir kəşfdir.
COVID-19-dan sonra hissiyat itkisinin dəqiq səbəbi bilinməsə də, elm adamları bunun burunun qoxu epiteli adlanan hissəsindəki hüceyrələrin zədələnməsi ilə bağlı olduğunu düşünürlər. Bu hüceyrələr insanların qoxusuna kömək edən qoxu neyronlarını qoruyur.
İlkin məlumatlar göstərir ki, qoxu epitelinin dəstəkləyici hüceyrələri xəstəlik zamanı zədələnir və bu, neyronların özlərinin ölümünə səbəb olur. Ancaq bunun yalnız bəzi insanlarda niyə baş verdiyi bilinmir.
Nigar