Paralel.az xəbər verir ki, “Azəriqaz” İstehsalat Birliyinin (İB) Baş direktoru Ruslan Əliyev tariflər barədə abonentlərə xatırlatma edib.

Baş direktor deyib ki, bütün abonentlər üçün Tarif Şurası tərəfindən təsdiq olunmuş tarif mövcuddur: "Əhali qrupu üçün qazın sərfiyyatı 1200 kubmetrə qədər 1 kubmetr üçün 12 qəpik, 2500 kubmetrə qədər 1 kub üçün 20 qəpik, 2500 kubmetrdən artıq olan hissə üçün isə 25 qəpik təşkil edir. Qeyri-əhali kateqoriyası üzrə isə qiymət tam fərqlidir - 20, 22, 25 qəpik”.

Baş direktor qeyd edib ki, qeyri-əhali üzrə qazın az və ya çox işlədilməsinin fərqi yoxdur:

“Ümumiyyətlə, əhali ilə qeyri-əhali abonentlərinin qaz sərfiyyatının biri-birinə aidiyyəti yoxdur. Hər bir abonent sayğaca uyğun ödəniş edir və limiti keçdikdə də ona uyğun ödəniş edir. Bu tarif özü sosial yönümlüdür”.
Akif Nəsirli