Bakı Funikulyoru fəaliyyətini bərpa etdi
Paralel.az xəbər verir ki, İki ilə yaxındır işləməyən Bakı Funikulyoru yenidən fəaliyyətə başlayıb.
Bakı Şəhər İcra Hakimiyyətinin verdiyi məlumata əsasən, pandemiyaya görə 2020-ci ilin mart ayından bağlanmış funikulyor 2021-ci ilin dekabrın 16-dan yenidən fəaliyyətə başlayıb.
Bakı Funikulyoru 1960-ci il mayın 5-də istifadəyə verilib. 2 stansiyası var - Bəhram Gur heykəli və Şəhidlər Xiyabanı. Stansiyalar arası məsafə 455 metrdir. Bir stansiyadan digərinə 4 dəqiqəyə çatmaq olur. Vaqonlararası interval 10 dəqiqə, gediş haqqı isə 1 manatdır.
A. Nəsirli