Paralel.az Lenta.ru-ya istinadən xəbər verir ki, Britaniya nazirləri Çində insan haqlarının pozulmasına etiraz əlaməti  olaraq 2022-ci il Pekin Olimpiadasında iştirakdan imtina ediblər.

Sky News xəbər verir ki, bunu Böyük Britaniyanın Baş naziri Boris Conson deyib.

Buna baxmayaraq, siyasətçinin sözlərinə görə, Britaniya idmanı boykot ideyasını dəstəkləmir. "Əslində, biz diplomatik boykotdan danışırıq", - deyə baş nazir vurğulayıb.

ÇXR-də Olimpiadaları boykot çağırışı ilk olaraq ABŞ-da edildi. ABŞ Konqresinin Nümayəndələr Palatasının spikeri Nensi Pelosi Sincan-Uyğur Muxtar Bölgəsindəki (SUAR) uyğurların soyqırımı səbəbindən beynəlxalq ictimaiyyəti oyunları boykot etməyə çağırıb. Dekabrın 6-da ABŞ prezidenti Co Baydenin administrasiyasının diplomatik boykot elan edəcəyi məlum olub. Avstraliya dekabrın 8-də boykota qoşuldu.

Pekin Olimpiadası 2022-ci il fevralın 4-dən 20-dək keçiriləcək.

Martın əvvəlində Newlines İnstitutu Çin hakimiyyətinin BMT-nin Soyqırım Cinayətinin Qarşısının Alınması və Cəzalandırılması haqqında Konvensiyasının qadağalarının hər birini pozduğunu bildirib. Çinin Sincan-Uyğur bölgəsindəki müsəlman uyğurların və digər müsəlman azlıqların başına gələnlər soyqırımı sayıla bilər.

Oktyabrın 6-da Avropaya qaçan keçmiş ÇXR polis detektivi Çin hakimiyyətinin etiraflar almaq üçün müsəlman uyğur məhbuslarına necə işgəncə verdiyini danışdı. Polis saxlanılanların terrorda günahı öz üzərlərinə götürmək üçün döyüldüyünü, elektrik cərəyanı vurduğunu və qrup şəklində zorlandığını bildirib.
Akif Nəsirli