Paralel.az xəbər verir ki, ABŞ-ın Miçiqan ştatının Oksford şəhərində məktəbdə baş verən atışma nəticəsində 8 nəfər yaralanıb.
Bu barədə yerli polis idarəsinin nümayəndəsi Amerika telekanalları tərəfindən yayımlanan mətbuat konfransında bildirib. Hadisənin müxtəlif mərhələlərində yaralanan səkkiz nəfərimiz var, onlar üç müxtəlif xəstəxanadadırlar", - deyə polis rəsmisi bildirib.

Hüquq-mühafizə orqanının sözçüsü əlavə edib ki, yaralılardan ikisi hazırda cərrahi əməliyyat olunur, daha altı yaralının vəziyyəti sabit qiymətləndirilir. Bundan əvvəl altı nəfərin xəsarət alması barədə məlumat verilib. Ölənlərin sayı dəyişməz qalıb - atışmanın qurbanları 14-17 yaş arası üç yeniyetmədir.

Polis çərşənbə axşamı bildirib ki, 15 yaşlı şagird Oksford məktəbində yarımavtomat tapançadan 15-20 atəş açıb. Saxlanılan zaman onun istifadə etdiyi silah müsadirə edilib, hücumçu müqavimət göstərməyib.

Faktla bağlı araşdırma aparılır, hadisə yerində hüquq-mühafizə orqanlarının 100-ə yaxın əməkdaşı işləyir.
A.Nəsirli