Paralel.az dha.com.tr saytına istinadən xəbər verir ki, Kanadanın Britaniya Kolumbiyası əyalətində daşqınlar nəticəsində 18 minə yaxın insan didərgin düşüb. Britaniya Kolumbiyası hökuməti minlərlə evə ziyan vuran daşqınla əlaqədar fövqəladə vəziyyət (OHAL) elan edib.

Britaniya Kolumbiyası administrasiyasının bəyanatında deyilir: "Selin təsirlərinə görə 17 775 nəfər təxliyə edilib.  Ştat, federal və yerli hökumətlər fəlakətlərə cavab verərkən insanların və icmaların ehtiyac duyduqları yardımı almasını təmin etmək üçün fövqəladə hallar agentliyinin işçiləri lazım olan işləri görür".

Britaniya Kolumbiyası administrasiyasının rəsmi internet saytından verilən açıqlamada fövqəladə vəziyyətin 14 gün davam edəcəyi və lazım gələrsə, uzadılacağı paylaşılıb. Bildirilib ki, bu qərar daşqınlardan zərər çəkənləri qorumaq və onların ehtiyaclarını ödəmək üçün koordinasiyalı cavab rabitəsini asanlaşdırmaq üçün qəbul edilib.
Akif Nəsirli