Aİ Putini DXR və LPR-ə humanitar dəstək haqqında 15 noyabr fərmanını ləğv etməyə çağırıb

Paralel.az xəbər verir ki, Avropa İttifaqı (Aİ) Rusiya prezidenti Vladimir Putini tanınmamış Donetsk və Luqansk Xalq Respublikaları (DXR və LPR) ilə ticarəti asanlaşdıran fərmanı ləğv etməyə çağırıb. Bu barədə RİA Novosti məlumat yayıb.

Avropa İttifaqı hesab edir ki, DXR və LPR-ni dəstəkləyən bu cür addımlar onların Ukraynadan ayrılmasını daha da gücləndirir.

"Belə birtərəfli tədbirlər Ukraynanın suverenliyini və ərazi bütövlüyünü pozur", - noyabrın 24-də Brüsseldən yayılan bəyanatda deyilir.

O, həmçinin iddia edir ki, Rusiya ilə özünü elan etmiş respublikalar arasında idxal və ixrac kvotalarını ləğv edən fərman Minsk razılaşmalarına ziddir.

"Biz Rusiyanı bu qərarından dönməyə və Ukraynanın şərqində münaqişənin daha da kəskinləşməsinə səbəb olan birtərəfli tədbirləri dayandırmağa çağırırıq", - Brüssel müraciətində deyilir.

Noyabrın 15-də Rusiya prezidenti Vladimir Putin “Ukraynanın Donetsk və Luqansk vilayətlərinin müəyyən rayonlarının əhalisinə humanitar yardımın göstərilməsi haqqında” fərman imzalayıb. Bu akta əsasən, Donbassda istehsal olunan mallar Rusiya ilə bərabər dövlət satınalmalarına buraxılmalıdır.

Bundan əlavə, Rusiya, DPR və LPR arasında hərəkət edən malların ixracı və idxalı üzrə kvotalar ləğv edilir. Putin həmçinin respublikalardan malların Rusiya bazarlarına buraxılması ilə bağlı şərtlərin yüngülləşdirilməsi üçün tədbirlər görməyə göstəriş verib.

Fərman Donbassda Minsk razılaşmaları əsasında siyasi nizamlanmaya qədər qüvvədə qalacaq.
Akif Nəsirli