Paralel.az xəbər verir ki, Polşanın müdafiə naziri Mariuş Blaşçak Polsat telekanalının efirində bildirib ki, dünən gecə miqrantlar Belarus-Polşa sərhədinə hücum etmək cəhdlərini davam etdiriblər.

“Bu gecə əvvəlkilərdən heç nə ilə fərqlənmirdi. Sərhədi zəbt etmək cəhdləri olub”, - deyə RİA Novosti onun sözlərindən sitat gətirib.

Nazir qeyd edib ki, qeyri-qanuni mühacirlər taktikalarını dəyişərək müxtəlif yerlərdə kiçik qruplar halında sərhədə hücum edirlər.

Polşa Sərhəd Mühafizəsi əvvəllər, lazım gələrsə, miqrantlara qarşı silah tətbiq etməyə hazır olduqlarını açıqlamışdı.
Akif Nəsirli