Paralel.az xəbər verir ki, ABŞ Əfqanıstanda hərbçilərin hazırlanmasında ABŞ-dan nümunə götürən ordunun yaradılmasını səhv hesab edib.

.ABŞ Əfqanıstanda sabit təhlükəsizlik sisteminin yaradılmasının uğursuzluğunun səbəblərini açıqlayıb. Bu xüsusda bildirib ki, əfqan hərbçilərinin təlimində əsas səhv Amerika modelində ordu yaratmaq cəhdidir. Bu barədə ABŞ-ın baş müfəttişi Şon V.O'Donnell Liberty Sentinel əməliyyatı ilə bağlı hesabatında məlumat verib.

Məlumata görə, ABŞ Əfqanıstanda əfqan ordusunun xüsusi ehtiyaclarına uyğunlaşdırılmamış “həddindən artıq Amerika modellərindən” istifadə edib. "Nəticədə Əfqanıstan ordusu Amerikanın mövcudluğundan asılı olaraq qaldı", - hesabatda deyilir.

Belə ki, ABŞ Müdafiə Nazirliyinin təhlükəsizliyin təmin edilməsində yardım göstərmək və Əfqanıstan Müdafiə Nazirliyinə məsləhət vermək üçün məsul olan bölməsi 2021-ci ilin iyul ayında hərbçilərə təlim keçmək əvəzinə, avtomatlaşdırılmış ödəniş sisteminin tətbiqi ilə məşğul olub.

Əvvəllər ABŞ Taliban hökuməti vasitəsilə Əfqanıstana humanitar yardım göndərməkdən imtina edib. Vaşinqton radikal qrupun siyasətində hələlik müsbət dəyişikliklər tapmadığı üçün ölkənin hazırkı rəhbərliyi ilə birbaşa işləməyə hazır deyil. Bununla belə, Amerika hakimiyyəti beynəlxalq təşkilatlar vasitəsilə əfqanlara kömək etməyə davam edəcəklərini bildirib.
Akif Nəsirli