ABŞ-da koronavirus xəstələrinə yardım fondunun vəsaitini mənimsəyən erməni ər-arvad barədə qiyabi hökm çıxarılıb.

Paralel.az xəbər verir ki, Riçard Ayvazyan 17 il, arvadı Rita Terabelyan isə 6 il azadlıqdan məhrum ediliblər.

Amerika mətbuatının yaydığı xəbərlərə görə, təqsirləndirilən şəxslərin tapılması mümkün olmadığı üçün hökm qiyabi çıxarılıb. ABŞ-ın Ədliyyə Nazirliyindəki mənbə bildirib ki, tərəflər bank dələduzluğu və çirkli pulların yuyulmasında ittiham edilirlər. Hökmü elan edən hakim Ayvazyanı "qanuna hörmət etməyən qəddar fırıldaqçı, dələduzluğu məharət hesab edən şəxs" kimi xarakterizə edib.

Məlum olub ki, cütlük bir müddət əvvəl elektron qandalları açaraq yoxa çıxıb. Polis onların yerini deyən şəxsə 20 000 dollar mükafat vəd edib.
Şahnaz Salehqızı, Paralel.az