Paralel.az xəbər verir ki, Suriya prezidenti Bəşər Əsəd 4 vilayətin qubernatorlarını dəyişməyə qərar verib. Bu barədə "Jesr Press" məlumat yayıb.
Əsəd keçmiş qubernatorların səlahiyyət müddətinin başa çatması üçün dörd fərman verib. İndi Latakiya, İdlib, Essaveyda və Deraa əyalətlərinə Amer İsmayıl Hilal, Tar Nasih Salhab, Namir Habib Mahluf və Luay Hareta rəhbərlik edəcək.

Noyabrın 15-də Avropa İttifaqı (Aİ) Suriyaya qarşı mövcud sanksiyaları genişləndirib. Aİ Şurası yeni təyin olunmuş 4 nazirin Suriyadakı vəziyyətlə bağlı Aİ-nin məqsədyönlü məhdudlaşdırıcı tədbirlərinə məruz qalan fiziki və hüquqi şəxslərin siyahısına əlavə edilməsi barədə qərar qəbul edib.

Suriyada vətəndaş müharibəsi 2011-ci ilin martında başlayıb. Münaqişənin əsas iştirakçıları prezident Bəşər Əsədin tərəfində olan hökumət qüvvələri, mötədil müxalifət adlanan qruplar və islamçı qruplardır. Müxalifət Türkiyə tərəfindən dəstəklənir, Rusiya Əsəd hökumətinə kömək edir. 2011-ci ildə Aİ Suriyanın mülki əhalisinə qarşı amansız repressiyalara cavab olaraq Dəməşqə qarşı sanksiyalar tətbiq etdi.
Akif Nəsirli