O torpaq sahəsinə görə icra başçısı Mehdi Səlimzadəyə 5000(beş min) mnat rüşvət vermişəm - KORRUPSİYA

Azərbaycan Respublikasının Prezidenti cənab İlham Əliyevə

Surəti:Birinci Vitse Prezident Mehriban xanım Əliyevaya
Surəti:Baş Prokuror cənab Kamran Əliyevə
Surəti:Dövlət Təhlükəsizliyi Xidmətinin rəisi cənab Əli Nağıyevə

Göyçay rayon Ulaşlı-Şıxlı kənd sakini İsmayılova Kəmalə Ağasəf qızı tərəfindən

ŞİKAYƏT

Cənab Prezident!
Yazaraq təkrar bildirmək istəyirəm ki,Göyçay rayon Ulaşlı-Şıxlı kənd sakini İsmayılov Rəvan Elnur oğlu 40 il müddət mərhum atamın istifadəsində olmuş,onun vəfatından sonra isə bizim ailənin istifadəsində olan 0.85 ha Bələdiyyə balansı torpaq sahəsini mənimsəməkdədir.O,ilk öncə sadəcə mal-qara otarmaq adı ilə həmin torpaq sahəsinə girmək üçün bizdən icazə almışdı.Lakin sonradan Bələdiyyə sədri Zamiq İbrahimovla əlbir olaraq,həmin 0.85 ha torpaq sahəmizi əlimizdən almağa başladılar.
Rəvan Elnur oğlu İsmayılov mübahisə zamanı dəfələrlə bizə bildirib ki,mən sizin torpağınızın mənim olması üçün icra başçısı Mehdi Səlimzadəyə 5000(beş min) manat rüşvət vermişəm.
Cənab Prezident! Çoxsaylı şikayətlərimizə baxmayaraq,məsələ hələ də öz həllini tapmayıb.Rəvan İsmayılov bizə deyir ki, "gedin kimə şikayət edirsiniz edin,mənim arxamda dayanan güclər var,mənə heç kim heçnə edə bilməz".
Sizdən və aidiyyatı qrumlardan çox xahiş edirəm,vəzifədə işləməsindən sui-istifadə edən Rəvan Elnur oğlu İsmayılov öz tutduğu vəzifəsindən azad edilsin!Həmçinin Sizdən xahiş edirəm,bizim haqqımız olan 0.85 ha torpaq sahəsinin bizim ailəyə geri qaytarılması üçün köməklik göstərəsiniz!

Paralel.az