"Aİ-95" və "Aİ-98" benzinləri gələn il idxal edilməyəcək

 

 

 

Son zamanlar vaxtaşırı olaraq "Aİ-95" premium və "Aİ-98" markalı avtomobil yanaşaqlarının qiymətinin artması barədə məlumatlara tez-tez rast gəlirik. Azərbaycan Dövlət Neft Şirkətinin (SOCAR) isə bu qiymət artımına standart cavabı mövcuddur.

Paralel.az-a SOCAR-dan verilən məlumata görə, "Aİ-98" markalı benzin xarici ölkədən idxal edilir: "Məhsulun alış qiymətinin artması onun ölkəmizdə satış qiymətinin də artmasına səbəb olub. Mənbə ölkələrdə məhsulun qiyməti artıb".

Xatırladaq ki, bir neçə gün əvvəl Azərbaycanda "Aİ-95" premium markalı benzinin qiyməti də 5 qəpik artraq 1,45 AZN olmuşdu.

Məsələnin maraqlı tərəfi ondan ibarətdir ki, təxminən bir ildən sonra Azərbaycanda inşası davam etdirilən neftayırma zavodu istifadəyə veriləcək və bununla da "Aİ-95" premium və "Aİ-98" markalı avtomobil yanaşaqları ölkə daxilində istehsal edilməyə başlayacaq. Həmin vaxt vəziyyət necə olacaq, sözügedən markadan olan yanacaqların qiyməti ucuzlaşacaqmı?

SOCAR-dan sorğumuza cavab olaraq bildirildi ki, "Aİ-95" premium və "Aİ-98" markalı avtomobil yanaşaqlarının ölkə daxilində istehsalına başlanıldıqdan sonra onların da qiymətləri Tarif (qiymət) Şurası tərəfindən digər yanacaqlar kimi tənzimlənəcək: "Həmin vaxt qeyd edilən yanacaqların qiymətlərinin müəyyənləşdirilməsində əsas parametir kimi məhsulun maya dəyəri götrüləcək, maya dəyərinə müvafiq də qiymət müəyyənləşdiriləcək. Bizim işimiz maya dəyərini əsaslandırmaq olacaq, qiyməti Şura müəyyənləşdirəcək".

Akif

0.65546202659607